05/03/2004

CIVIL COURT, FIRST HALL

CARUANA DEMAJO GIANNINO

FARRUGIA GANNI vs KUMMISSARJU TA' L-ARTIJIET

N/A

FINAL JUDGEMENT

FARRUGIA GANNI vs KUMMISSARJU TA' L-ARTIJIET - 1107/1999/1 - CIVILI, PRIM AWLA, MALTA

ESPROPRJAZZJONI, DEFINIZZJONI TA` SKOP PUBBLIKU - ESPROPRJAZZJONI, META ART MA TINBENIEX GHAL NUMRU TA` SNIN - ESPROPRJAZZJONI, SINDAKABILITA` TA` L-ISKOP PUBBLIKU MILL-QRATI ORDINARJI - STHARRIG TA` EGHMIL AMMINISTRATTIV, KWISTJONIJIET TA` NATURA KOSTITUZZJONALI

Ghalkemm il-qorti trid tapplika l-ligijiet kollha tal-pajjiz, fosthom ukoll dawk li jharsu d-drittijiet fondamentali, madankollu, jekk kawza ssir taht il-procedura ordinarja u mhux taht il-procedura li tirregola kawzi dwar drittijiet fondamentali tapplika l-procedura ordinarja.

Ma hix ta' ostakolu ghat-talbiet ta' l-attur id-dispozizzjoni ta' l-art. 6 tal-Kap. 88, li jghid illi hadd ma' jista' jitlob prova ohra ta' l-iskop pubbliku minbarra d-dikjarazzjoni tal-President ta' Malta. Interpretazzjoni korretta ta' din id-dispozizzjoni, maghmula wkoll fid-dawl tad-dispozizzjonijiet li jharsu l-jeddijiet fondamentali, ma hix, illi "huwa l- gvern li kellu jgib il-prova illi sa mill-bidu t-tehid ta' art kien fl-interess pubbliku", izda l-interpretazzjoni t-tajba, fil-kuntest ta' proceduriordinarji, hija li, ghalkemm il-gvern ma ghandu ghalfejn igib ebda prova ohra minbarra d-dikjarazzjoni tal-President ta' Malta, il-prezunzjoni mahluqa b'dik id-dikjarazzjoni ma tistax tkun wahda iuriset de iure biex il-Kap. 88 jibqa' kompatibbli mal-ligijiet li jharsu l-jeddijiet fondamentali, u tkun meghluba jekk jintwera li ma kienx hemm l-iskop pubbliku li trid il-ligi biex it-tehid ta' l-artikun jiswa.

Il-Qorti irriteniet li l-fatt illi l-art ma nbnietx ghal ghexieren ta' snin mhuxprova konkluziva ta' nuqqas ta' skop pubbliku.

Il-Kap. 88 ma jimponix fuq il-gvern il-htiegali l-progett li jkollu ghall-art iwettqu minnufih, u, sakemm ma jintweriex car illi l-progett huwa abbandunat, ma jistax jinghad illi l-iskop pubbliku spicca.

Il-provvista ta' akkommodazzjoni socjali hija setgha legittima u dmir tal-gvern, u ghalhekk dak li l-gvern jaghmel bl-iskop li jwettaqdan id-dmir ma jistax jinghad li ma hux ghal skop pubbliku. Barra minn hekk, it-tifsira ta' "skoppubbliku" moghtija fl-art. 2 tal-Kap. 88 tghid illi jista' jkun hemm dak l-iskop "sew jekk l-art tkun ghall-uzu tal-Gvern sew jekk le".