09/10/1948

CIVIL COURT, FIRST HALL

GOUDER TANCRED

MARIA GIUSEPPA CARUANA ET. vs TOMMASO MALLIA ET.

N/A

-

N/A

ART. 637, 753, 782, U 842 TAL-KODICI CIVILI - DRITT TAR-RAPPREZENTAZZJONI - KONDIZZJONI - SUCCESSJONI - TWELID U KONCEPIMENT

Meta d-dritt ghas-successjoni tat-testatur huwa suggett ghall-verifika ta' kondizzjoni sospensiva, huwa bizzejjed il-koncepiment fil-mument tal-verifika tal-kondizzjoni biex wiehed ikun jista' jippretendi dik is-successjoni, u mhux mehtieg li jkun ga twieled meta dik il-kondizzjoni tavvera ruhha. Ughalhekk, jekk it-testatur ihalli bhala werrieta tieghu lill-qraba l-aktar vicini li jkunu jezistumeta tavvera ruhha xi kondizzjoni minnu kontemplata, il-qraba li jkollhom dritt jippretendu l-wirt tieghu huma mhux biss dawk li jkunu ga twieldu meta tavvera ruhha dik il-kondizzjoni, imma anki dawkli jkunu ghadhom koncepiti biss. Ukoll, f'kaz bhal dan, dawk il-qraba li jkunu ga mietu meta tavvera ruhha dik il-kondizzjoni ma jilhqu jakkwistaw ebda dritt ghal dik is-successjoni, u ghalhekk ebdadritt f'dan is-sens ma jittrasmettu lill-eredi taghhom. Dawn l-eredi, imbaghad lanqas jistghu jidhlu f'dik is-successjoni bid-dritt tar-rapprezentazzjoni, jekk, kieku s-successjoni kienet "ab intestato", huma ma kienx ikollhom dak id-dritt. Is-successjoni "ab intestato" li ghaliha tirriferixxi d-dispozizzjoni tal-ligi li taghti d-dritt tar-rapprezentazzjoni hija s-successjoni tat-testatur, u mhux dik tal-werriet jew legatarju istitwit li jkun miet qabel it-testatur. Fil-linja kollaterali r-rapprezentazzjoni hija ammessa biss favur it-tfal u dixxendenti ta' l-ahwa tal-mejjet.