04/11/1988

CONSTITUTIONAL

AGIUS CARMEL A., HERRERA JOSEPH A., HARDING HUGH

AVUKAT SILVIO CAMILLERI NOE vs KONTROLLUR TAD-DWANA

N/A

-

N/A

DAZJU EZENZJONI MINN - DRITT GHALL-KONFISKA, U - DRITTIJIET FUNDAMENTALI TAL-BNIEDEM - IMPORTAZZJONI TEMPORANJA - KONTROLLUR TAD-DWANA - PROPRJETA'

Ir-rikorrenta kienet importat karozza f'Malta taht "temporary import licence". Il-Kontrollur tad-Dwana kkonfiska dina l-karozza taht l-art. 16(2)(d)(ii) ta` l-Att XI ta` l-1964 meta dina naqset li tirriesportaha. Ir-rikorrenta allegat li l-precitat artikolu kien jikser id-drittijiet fundamentali taghha kif protetti bl-artikolu 37 tal-Kostituzzjoni u ghalhekk kien inkostituzzjonali. Il-Prim'Awlatal-Qorti Civili cahdet it-talba tar-rikorrenta. Il-Qorti Kostituzzjonali sabet li kien hemm l-allegat ksur u ddikjarat l-artikolu in kwistjoni inkostituzzjonali. Skond l-art. 16(2)(d)(ii) ta` l-AttXi ta` l-1964 il-Kontrollur tad-Dwana jista` jikkonfiska oggetti importati f'Malta temporanjament meta ma jinhargux minn Malta fit-terminu previst. Din id-disposizzjoni hija ta` natura konfiskatorjau ma tikkontemplax it-tehid ta` l-oggetti biex minnu jigi sodisfatt id-dazju. Din il-konfiska ssirminghajr il-htiega ta` ebda process gudizzjarju. Ghalhekk dan jikser id-dritt fundamentali ghall-propjeta` tar-rikorrent kif protett mill-artikolu 37 tal-Kostituzzjoni u ma hux salvat bl-eccezzjoni kkontemplata fl-artikolu 37(2)(a) ta` l-istess.