19/05/2004

OF APPEAL (CIVIL, INFERIOR)

SCIBERRAS PHILIP

KORPORAZZJONI GHAS-SERVIZZI TA' L-ILMA vs QUATTROMANI JOSEPH

N/A

FINAL JUDGEMENT

KORPORAZZJONI GHAS-SERVIZZI TA' L-ILMA vs QUATTROMANI JOSEPH - 464/2000/1 - TAL-APPELLI CIVILI (INFERJURI), MALTA

DRITTIJIET, RINUNZJA GHAL - DRITTIJIET, RIZERVA TA` - ECCEZZJONIJIET, SA META TISTA` TIGI SOLLEVATA L-PRESKRIZZJONI - PRESKRIZZJONI, LIEMA ATTI JAMMONTAW GHAL RINUNZJA JEW INTERRUZZJONI TAL-PRESKRIZZJONI - PRESKRIZZJONI, SA META TISTA` TIGI SOLLEVATA

L-eccezzjoni tal-preskrizzjoni tista' tinghata f'kull waqt tal-kawza, imqar fl-appell" (Art 2112 tal-Kodici Civili). Dan ifisser illi "jekk il-konvenut jonqos li jtiha fl-ewwel istanza, b'daqshekk majitlifx u lanqas jigi li rrinunzja ghaliha, izda ghandu l-jedd igibha l-quddiem sa l-ahhar, anki fl-appell, sakemm il-kawza tigi maqtugha".

Dan affermat, ma jfisserx pero` illi l-konvenut ma jistax jirrinunzja ghall-preskrizzjoni. Dan hu hekk provvdut expressis fis-subinciz (2) ghall-Artikolu 2108 tal-Kodici Civili: "Tista' ssir rinunzja ghall-preskrizzjoni ga akkwistata". Dak li l-ligitipprojbixxi hi biss r-rinunzja preventiva ghall-preskrizzjoni (subinciz (1) ta' l-Art 2108).

L-Artikolu 2109 (1) tal-Kap 16 testwalment jipprovdi illi "r-rinunzja ghall-preskrizzjoni tista' tkun espressa jew tacita". Fil-kaz ta' rinunzja espressa din trid tirrizulta minn espressjonijiet cari u univoci; fil-kaz ta' rinunzja tacita din ghandha tigi nterpretata tant restrittivament illi mill-fatti li minnhom dik ir-rinunzja trid tigi dezunta ma tkunx tista tingibed kongettura ohra hlief il-propozitu evidenti tar-rinunzja.

Hija dottrina komunement accettata illi r-rinunzja ghall-preskrizzjoni hija manifestazzjoni unilaterali tal-volonta` inekwivokabbli tal-konvenut debitur li jabdika ghall-effetti tal-preskrizzjoni u li ma jridx japrofitta ruhu mill-preskrizzjoni kompjuta.

Kull rinunzja tista' ssir bir-rizervi kollha opportuni.