01/12/1958

OF APPEAL (CIVIL, SUPERIOR)

MAMO ANTHONY J., MONTANARO GAUCI A.J., HARDING WILLIAM

EMILIA RIZZO MARICH vs CARMELA PODESTA'

N/A

-

N/A

"ALTERNATIVE ACCOMODATION" - "HARDSHIP" - APPELL - BOARD TAL-KERA - LOKAZZJONI

L-intenzjoni tal-legislatur kienet intiza biex taghti dritt ghall-appell mis-sentenzi tal-Board tal-Kera f'dawk il-kazijiet biss fejn jkunu gew diskussi u definiti mill-Board kwistjonijiet ta' dritt.Il-kwistjonijiet sollevati fir-rikors tal-appell, li ma ffurmawx kontroversja quddiem il-Board bejnil-kontendenti, u li ghalhekk ebda decizjoni fuqhom ma jkun ta l-Board, ma jikkostitwux punt ta' dritt li jaghti dritt ghall-appell; u ma jistax ikun lecitu li jingiebu l-quddiem quddiem il-Qorti tal-Appell biex is-sentenza mpunjata ssir appellabbli. U hu logiku li jkun hekk; ghaliex altrimenti d-dispozizzjoni tal-ligi limitanti d-dritt tal-appell tigi newtralizzata, kieku kien lecitu illi l-appellant johloq punt tal-ligi "ex novo" u jghid li qieghed jappella fuqu. Jekk wiehed jigi kundannatjizgombra minn fond b'sentenza tal-Board tal-Kera, fuq il-motiv li l-fond lilu offert bhala "alternative accomodation" huwa "suitable" ghalieh, u mbghad jaghmel hu kawza ohra kontra inkwilin tieghu biex jirriprendi pussess tal-fond okkupat minn dan l-inkilin, u l-Board tal-Kera jakkolji d-domanda tieghu in bazi ghall-valutazzjoni tal-"hardship" rispettiv tal-partijiet, ma jistax l-intimat jappellaminn dik is-sentenza fuq il-motiv illi l-Board dahal fil-kwistjoni tal-"hardship", u ddecieda l-kawza in bazi ghall-konsiderazzjoni tal-"hardship", meta ma kienx messu dahal f'dik il-kwistjoni, billibis-sentenza ta' qabel kien gie deciz mill-istess Board li r-rikorrent, intimat fl-ewwel kawza, kellu disponibbli ghalieh "alternative accomodation" li kienet "suitable". Ghaliex, anki apparti li anki konsiderazzjoni simili ma tistax tinnewtralizza d-dispost preciz tal-ligi, li kategorikament jghid li ghandu jkun punt ta' ligi deciz fis-sentenza appellata, hemm ukoll il-fatt li quddiem il-Boardil-kwistjoni kienet attinenti ghall-punt tal-"hardship". U ma jistax l-appellant jilmenta li hu masetghax jissolleva fil-prima istanza l-kwistjoni li jrid jissolleva fl-appell billi ma setghax jipprevedi kif kienet sejra tkun impostata s-sentenza. Dak l-appellant seta' liberament jissolleva quddiem il-Board il-punt li, peress li r-rikorrent kellu ghad-dispozizzjoni tieghu "accomodation" gudikata"suitable" b'sentenza precedenti tal-Board, ma kienx hemm lok ghall-kwistjoni tal-"hardship", u jinsisti li l-Board jidhol f'dak il-punt fis-sentenza allura pronunzjanda. L-appell maghmul f'dawn il-kontingenzi huwa irritu u null.