Protest u Kontro Protest
Din l-applikazzjoni tintuża sabiex jiġi ppreżentat protest jew kontro protest fir-Reġistru tal-Prim Awla tal-Qorti Ċivili (Sezzjoni Kummerċ). Flimkien mal-protest jistgħu jiġu mehmuża d-dokumenti kollha miegħu.
Il-ħlas dovut għal dan il-protest isir meta tiġi sottomessa din l-eForm.
Il-protest ippreżentat onlajn għandu jitqies għall-finijiet u effetti kollha tal-liġi daqslikieku ġie ppreżentat direttament fir-Reġistru tal-istess Qorti. Iżda meta l-protest jiġi ppreżentat onlajn barra mill-ħinijiet tal-ftuħ tar-Reġistru kif stabbiliti skont il-Kodiċi ta' Organizzazzjoni u Proċedura Ċivili, dak l-att għandu jitqies illi ġie ppreżentat fl-ewwel ġurnata li jkun imiss tal-ftuħ tal-istess Reġistru.
Nota Importanti
Il-protest irid isir bil-lingwa Maltija u jrid ikun iffirmat minn Avukat jew Prokuratur Legali. Qabel ma' tiġi sottomessa din l-eForm tkun trid tiġi mehmuża kopja skenjata tal-protest iffirmat.
Dritt għall-Aċċess
Din l-eForm tista' tintuża biss minn Avukati jew Prokuraturi Legali li isimhom huwa reġistrat għand ir-Reġistratur fis-sistema tal-LECAM. Dawk l-Avukati jew il-Prokuraturi Legali li mhux inklużi fil-LECAM jistgħu japplikaw biex jiġu hekk reġistrati fl-Uffiċċju tar-Reġistratur, Qrati Ċivili u Tribunali billi jipproduċu l-Karta ta' Identità u l-indirizz tal-imajl tagħhom.
