Rikors Ġuramentat - Qorti Ċivili (Sezzjoni tal-Familja)

Ir-Rikorsi Ġuramentati li jistgħu jiġu ppreżentati huma dawk relatati ma' kwistjonijiet li jaqgħu taħt il-qorti tal-familja u għandhom jiġu ppreżentati quddiem il-Qorti Ċivili (Sezzjoni tal-Familja). Permezz ta' din l-eForm jistgħu jiġu ppreżentati onlajn dawn ir-rikorsi flimkien mad-dokumenti kollha li jistgħu jsostnu t-talba jew talbiet magħmula fir-rikors.

Il-ħlas dovut għal dan ir-rikors isir meta tiġi sottomessa din l-eForm.

Ir-rikors ippreżentat onlajn għandu jitqies għall-finijiet u effetti kollha tal-liġi daqslikieku ġie ppreżentat direttament fir-Reġistru tal-istess Qorti. Iżda meta r-rikors jiġi ppreżentat onlajn barra mill-ħinijiet tal-ftuħ tar-Reġistru kif stabbiliti skont il-Kodiċi ta' Organizzazzjoni u Proċedura Ċivili, dak l-att għandu jitqies illi ġie ppreżentat fl-ewwel ġurnata li jkun imiss tal-ftuħ tal-istess Reġistru.

Nota Importanti

Ir-rikors irid isir bil-lingwa Maltija u jrid ikun iffirmat minn Avukat u Prokuratur Legali. Qabel ma' tiġi sottomessa din l-eForm ikun irid jiġi mehmuż kopja skenjata tar-rikors iffirmat.

Dritt għall-Aċċess

Din l-eForm tista' tintuża biss minn Prokuraturi Legali li isimhom huwa reġistrat għand ir-Reġistratur fis-sistema tal-LECAM. Dawk il-Prokuraturi Legali li mhux inklużi fil-LECAM jistgħu japplikaw biex jiġu hekk reġistrati fl-Uffiċċju tar-Reġistratur, Qrati Ċivili u Tribunali billi jipproduċu l-Karta ta' Identita u l-indirizz tal-imajl tagħhom.