Rikors - Tribunal ta' Reviżjoni Amministrattiva

Din l-applikazzjoni tintuża sabiex jiġi ppreżentat rikors sabiex titressaq talba quddiem it-Tribunal ta' Reviżjoni Amministrattiva sabiex dan it-Tribunal jirrivedi att amministrattiv tal-amministrazzjoni pubblika fuq punti ta' liġi u ta' fatt ai termini tal-Att dwar il-Ġustizzja Amministrattiva (Kap. 490). Flimkien ma' dan ir-rikors jistgħu jiġu mehmuża d-dokumenti kollha li jsostnu t-talba jew talbiet magħmula fir-rikors.

Il-ħlas dovut għal dan ir-rikors isir meta tiġi sottomessa din l-eForm.

Ir-rikors ippreżentat onlajn għandu jitqies għall-finijiet u effetti kollha tal-liġi daqslikieku ġie ppreżentat direttament fir-Reġistru tal-istess Qorti. Iżda meta r-rikors jiġi ppreżentat onlajn barra mill-ħinijiet tal-ftuħ tar-Reġistru kif stabbiliti skont il-Kodiċi ta' Organizzazzjoni u Proċedura Ċivili, dak l-att għandu jitqies illi ġie ppreżentat fl-ewwel ġurnata li jkun imiss tal-ftuħ tal-istess Reġistru.

Nota Importanti

Ir-rikors irid isir bil-lingwa Maltija u jrid ikun iffirmat minn Avukat u Prokuratur Legali. Qabel ma' tiġi sottomessa din l-eForm ikun irid jiġi mehmuż kopja skenjata tar-rikors iffirmat.

Dritt għall-Aċċess

Din l-eForm tista' tintuża biss minn Avukati jew Prokuraturi Legali li isimhom huwa reġistrat għand ir-Reġistratur fis-sistema tal-LECAM. Dawk l-Avukati jew il-Prokuraturi Legali li mhux inklużi fil-LECAM jistgħu japplikaw biex jiġu hekk reġistrati fl-Uffiċċju tar-Reġistratur, Qrati Ċivili u Tribunali billi jipproduċu l-Karta ta' Identita u l-indirizz tal-imajl tagħhom.