08/02/1957

CIVIL COURT, FIRST HALL

MAGRI ALBERT J.

GIUSEPPE BUHAGIAR vs MARIA TEREZA SAMMUT ET.

N/A

-

N/A

ART. 1552 TAL-KAP. 23 - ART. 16 TAL-KAP. 109 - CESSJONI TAL-AFFITT - LOKAZZJONI - RILOKAZZJONI - RINUNZJA GHALL-INKWILINAT - SULLOKAZZJONI

Fic-cessjoni, il-haga tghaddi fic-cessjonarju bl-istess kondizzjonijiet kif tkun tinsab ghand ic-cedent. Ghaldaqstant, meta persuna tiehu minn ghand il-lokatur fond li kien mikri lil hadd iehor b'kera u b'kondizzjonijiet diversi minn dawk li tahthom kienet tezisti l-lokazzjoni, ma jkunx hemm cessjoni tal-affitt, imma lokazzjoni gdida. Jekk, mbghad, is-supposta cessjoni tal-affitt tkun saret minghajr kitba, dik ic-cessjoni ma tezistix anki ghaliex tkun nieqsa minn rekwizit proprju tac-cessjoni,jigifieri l-iskrittura, li hu applikabbli anki ghac-cessjoni tal-affitt; b'mod li l-pretiza cessjoni tal-affitt, anki li saret, ma tistax tigi pruvata bix-xhieda. L-inkwilin jista' validament jirrinunzja ghall-lokazzjoni, u din ir-rinunzja mhix kuntrarja ghad-dispozizzjonijiet tal-Ligi tal-Kera; ghaliex dik il-ligi tipprojbixxi biss ir-rinunzja preventiva ghad-dritt tar-rilokazzjoni tacita ghall-futur, u mhux ir-rinunzja ghall-lokazzjoni korrenti. U ghal din ir-rinunzja ma hemmx bzonn ta' ebda formalita' jew awtorizzazzjoni. Jekk l-inkwilin jirrinunzja ghall-lokazzjoni, jigu rizoluti s-sullokazzjonijiet li huwa jkun ikkonceda lil hadd iehor, anki jekk il-lokatur kien jaf b'dawn is-sullokazzjonijiet, u kien ittollerahom jew ippermettihom, minghajr, pero', ma jkun irrikonoxxa espressament lis-subkonduttur, jew jekk ma tkunx saret espromissjoni espressa tal-konduttur. Ghaldaqstant, jekk l-inkwilin jirrinunzja ghall-lokazzjoni, u l-lokatur jikkoncedi l-lokazzjoni lil persuna ohra, l-inkwilin il-gdid jista' jagixxi kontra s-subinkwilin tal-inkwilin precedenti, biex dawn jizgumbraw mill-fond.