30/04/2004

CIVIL COURT, FIRST HALL

VALENZIA GEOFFREY

PORTELLI EDWARD ET vs CASSOLA HECTOR

N/A

FINAL JUDGEMENT

PORTELLI EDWARD ET vs CASSOLA HECTOR - 2049/1999/1 - CIVILI, PRIM AWLA, MALTA

ATT TA` AMMINISTRAZZJONI STRAORDINARJA, WIEHED MILL-KONJUGI JISTA` JORBOT L-ASSI TAL-KOMUNJONI - KONVENJU, KONSEGWENZI TA` NON KONFORMITA` MAL-ART. 1357(2) TAL-KAP. 16

Meta l-partijiet fuq konvenju ikunu naqsu milli jottemperaw ruhhom mad-disposizzjonijiet tal-artikolu 1357 (2) tal-Kap. 16 tal-ligijiet ta' Malta u il-gurisprudenza nostrana tipprovvdi li f'tali cirkostanzi il-partijiet ghandhom jitqieghdu fl-istess sitwazzjoni li kienu fiha qabel ma sar il-konvenju.

Dak li hu vitali hu l-fatt tan-nuqqas ta' interpellazzjoni ufficcjali mill-konvenut biex ix-xerrej promittent jersaq ghall-pubblikazzjoni ta' l-att. Ma ngiebet l-ebda prova li saret ittra ufficjali bhal din u allura meta tirrikorri cirkostanza bhal din meta jaghlaq iz-zmien u ebda wahda mill-partijiet ma tkun hadet il-passi mehtiega biex iggieghel lill-parti l-ohra tersaq ghal kuntratt, il-konvenju jitlef l-effikacja tieghu, u kollox jerga' ghall-istatus ante quo.

L-ammont ghalhekk li jithallas akkont tal-prezz fuq konvenju ghandhu bhala regola jithallas lura lill-kompratur jekk il-bejgh bejn il-partijiet ma jsirx.

Id-dekadenza mid-dritt li jiehu lura dak li ghalih huintitolat javvera ruhu jekk minghajr gustifikazzjoni wiehed ma jersaqx fuq l-att finali. Dan jippresupponi l-missiva ta' ittra ufficjali, u xejn anqas minn dan.

Att ta' amministrazzjoni straordinarja ta' wiehed mill-konjugi wahdu jorbot l-assi tal-komunjoni tal-akkwisti kemm-il darba ma jkunx hemm pronunzjament tal-qorti dwar in-nullita` ta' dak l-att. Ir-relazzjonijiet interni bejn il-konjugi ghar-reintegrazzjoni jew danni, kif fuq inghad, ma jeffettwawx lit-terz.