01/03/1952

OF CRIMINAL APPEAL (INFERIOR)

MONTANARO GAUCI A.J.

IL-PULIZIJA vs ANTHONY GALEA

N/A

-

N/A

KOLLIZJONI - NULLITA' - PROVI - SENTENZA - XHIEDA

Sentenza tal-Qorti Kriminali tal-Magistrati ghandha tikkontjeni l-akkuza u ta' x'hix l-imputat gie misjub hati; u mhux bizzejjed li wiehed jista' jargumenta x'kienet l-akkuza u ta' x'hix gie misjub hati l-imputat mill-motivazzjoni tas-sentenza; ghax dan ma jissodisfax il-vot tal-ligi, u jhalli s-sentenza difettuza minn wiehed mir-rekwiziti essenzjali taghha, u ghalhekk jirrendiha nulla. Izda ghalkemm dik is-sentenza bhala decizjoni hija nulla, it-traskrizzjoni tax-xhiediet li nstemghu mill-Ewwel Qorti, u li tkun tinsab fil-korp tas-sentenza, tista' sservi biex turi xi provi saru quddiem l-Ewwel Qorti; u, fl-assenza ta' oggezzjoni da parti ta' l-imputat jew ta' l-Avukat tal-Kuruna, il-Qortita' l-Appell tista' taghmel uzu minn dawk id-depozizzjonijiet minghajr bzonn li terga' tisma' x-xhieda mill-gdid, biex taqta' l-kawza wara li tkun annullat is-sentenza. It-tort li jkollu wiehed minndawk li jsibu ruhhom koinvolti f'kollizjoni ma jitnehhiex billi jkollu tort anki l-iehor, li jkun gie anki misjub hati u kundannat.