29/04/2005

OF APPEAL (CIVIL, SUPERIOR)

DE GAETANO VINCENT, CAMILLERI JOSEPH D., FILLETTI JOSEPH A.

MATRENZA RICHARD vs UFFICJAL TAL-VALUTAZZJONI TAL-ARTIJIET E

N/A

FINAL JUDGEMENT

MATRENZA RICHARD vs UFFICJAL TAL-VALUTAZZJONI TAL-ARTIJIET E - 220/1996/1 - OF APPEAL (CIVIL, SUPERIOR), MALTA

APPELL, META U KIF JISTA` JSIR APPELL INCIDENTALI - ORDINANZA LI TNEHHI L-KONTROLL TAD-DJAR, ELEMENTI MEHTIEGA SABIEX FOND JIGI DEKONTROLLAT

L-Artikolu 240 tal-Kap. 12 jghid li kull parti tista' tinqeda b'appell li jsir minn sentenza, u li din tista` mhux biss taghmel appell incidentali dwar is-sentenza definittiva, izda wkoll dwar kull sentenza jew kull kap taghha moghtija fl-istess kawza, ukoll jekk ma jsirx appell minnhom minn min jappella.

Fis-subinciz (2) dan l-artikolu jghid li,

"Dik il-parti li tkun bi hsiebha tinqeda b'dak l-appell ghandha taghmel dikjarazzjoni f'dak is-sens fir-risposta fejn issemmi t-talbiet taghha u r-ragunijiet ghall-appell incidentali taghha."

Ghaldaqstant, dan l-artikolu jitlob dikjarazzjoni tal-parti li hija tixtieq tipprevalixxi ruhha mill-appell principali biex tappella incidentalment.

Il-Qorti qieset li ghalkemm l-appellat fil-forma ta' l-appell incidentali tieghu naqas li juza l-formola tradizzjonali fis-sens illi l-appellat jiddikjara li jipprevalixxi ruhu mill-appell avversarju; izda qieset li b'dak li qal wera bizzejjed l-intenzjoni tieghu li jappella mill-kap ta' dik is-sentenza fejn huwa jhossu aggravat, meta huwa esplicitament qal li huwa jiddikjara lijappella minn dak il-kap. Il-fini precipwu tal-ligi huwa illi l-appellat jiddikjara fir-risposta illi in vista li hemm appell principali huwa qieghed jaghmel appell minn xi kap ta' dik is-sentenza,u dan il-vot tal-ligi huwa ottemperat meta l-appellat iddikjara li hu jappella minn kap specjali ta'dik is-sentenza fil-kaz illi l-appell principali jigi kawtelat.

Sabiex fond jigi dekontrollat kull m'huwa mehtieg huwa li l-kriterji espressament indikati fil-Kap. 158 jigu sodisfatti. Minn imkien ma jirrizulta li huwa mehtieg li l-bini jkun konformi mal-permessi tal-bini.