30/11/2006

CIVIL COURT, FIRST HALL

PACE RAYMOND C.

IL-KUMMISSARJU TAL-PULIZIJA vs BORG EDGAR

N/A

FINAL JUDGEMENT

IL-KUMMISSARJU TAL-PULIZIJA vs BORG EDGAR - 1209/2003 - CIVILI, PRIM AWLA, MALTA

Din il-kawza istitwita mill-attur titratta dwar ezercizzju ta' judicial review minn decizzjoni moghtija mit-Tribunal ghall-Investigazzjoni tal-Ingustizzji stabbilit bl-artikolu 3 tal-Att Numru VIII tal-1997 - Kapitolu 394 tal-Ligijiet ta' Malta, u din il-kwalita` ta' azzjoni hija permessibbli li ssir anke fl-isfond tal-gurisprudenza nostrali.

Ghalkemm Tribunal jew Bord jista' jinghata b'ligi il-gurisdizzjoni esklussiva sabiex jiddeciedi kazijiet specifici, bl-esklussjoni tal-Qrati ordinarji, l-istess qrati ordinarji xorta huma kompetenti biex jissindakaw l-operat tal-istess Tribunal us-sentenzi tieghu “pero' limitatament ghall-tliet kategoriji ta' difetti - (a) eccess ta' gurisdizzjoni, (b) non osservanza ta' l-istess ligi kostitwita - .. u finalment (c) non-osservanza ta' xi wiehed mill-principji fondamentali tal-gustizzja”.

It-Tribunal Industrijali ma huwiex “qorti” fit-termini tad-disposizzjonijiet relattivi tal-Kostituzzjoni u il-Prim'Awla ghandha gurisdizzjoni doppja fuq l-istess Tribunal u cioe` li tara li dan l-istess organu gudizzjarju jimxi skond il-ligi u fil-limiti tal-ligi, u b'hekk ma jesorbitax il-kompetenza tieghu, u wkoll li l-istess Tribunal jimxi skond il-Kostituzzjoni u b'hekk ma jkun hemm ebda ksur tad-drittijiet fondamentali tal-bniedem.