14/07/2004

OF APPEAL (CIVIL, INFERIOR)

SCIBERRAS PHILIP

VELLA ANTONIA ET (APPELLANTI) vs GRECH JOHN (APPELLATI)

N/A

FINAL JUDGEMENT

VELLA ANTONIA ET (APPELLANTI) vs GRECH JOHN (APPELLATI) - 1/2000/1 - TAL-APPELLI CIVILI (INFERJURI), GHAWDEX

Iva

LOKAZZJONI, ALTERAZZJONIJIET MINGHAJR IL-KUNSENS TAS-SID - LOKAZZJONI, ALTERAZZJONIJIET PERMISSIBBLI - LOKAZZJONI, BDIL TA` DESTINAZZJONI - LOKAZZJONI, BDIL TA` DESTINAZZJONI - FOND GHAL UZU KUMMERCJALI - LOKAZZJONI, BDIL TA` DESTINAZZJONI - HANUT LI JINTUZA BHALA SHOWROOM

Fi proceduri ghar-ripreza minhabba allegat tibdil ta' destinazzjoni kull kaz irid jigi kkunsidrat fil-fattispecji partikolari tieghu, u kif bosta drabi deciz, biex wiehed jara jekk l-allegazzjoni tat-tibdil fl-uzu tinsabx sostenuta trid tigi fl-ewwel lok stabbilita u provata d-destinazzjoni principali u preponderanti li ghalih il-fond ikun mikri. Dan huwa bil-wisq ovvju kif anke rifless minn certi disposizzjonijiet tal-Kodici Civili inerenti ghall-istitut tal-kuntratt tal-kiri.

Hekk l-Artikolu 1554 tal-imsemmi Kodici jipprovdi li l-kerrej kellu jinqeda bil-haga mikrija bhala missier tajjeb tal-familja u ghall-uzu miftiehem fil-kuntratt, jew jekk ma jkunx hemm ftehim fuq dan, ghall-uzu li jista' jigi prezunt mic-cirkostanzi.

Jissokta jigi precizat fl-Artikolu 1555(1) illi jekk il-kerrej jaghmel mill-haga mikrija uzu xort'ohra minn dak li ghalih hi qieghda, u cioe` ghal destinazzjoni differenti minn dik miftehma jew minn dik ta' l-uzu li seta' jigi prezunt mic-cirkostanzi,sid il-kera seta' jitlob il-hall tal-kuntratt.

Fil-kaz li l-kirja tkun fil-fazi tar-rilokazzjoni dan il-principju tal-ligi u tad-dritt koncess lis-sid huwa accentwat fl-Artikolu 9(a) tal-Kap69 fejn espressament jipprovdi ghas-sitwazzjoni tad-dritt tar-ripreza fejn l-inkwilin "ikun uza l-fond xort'ohra milli ghall-iskop li l-fond ikun gie lilu moghti b'kiri".

Huwa saput li mhux kull tibdil fl-uzu jimporta kambjament fid-destinazzjoni jew uzu divers kuntrarju ghall-kiri li jillegittima t-terminazzjoni. Hekk jinghad per ezempju illi meta si tratta ta' kambjament parzjali reintranti fil-genus tan-negozju formanti l-oggett tad-destinazzjoni dan ma jaghtix lok ghas-sanzjoni nvokata mis-sid.

Hawnhekk gie ritenut li l-fatt li l-kerrej immeljora l-fond u ghamel showroom gjadel resto uzat skond kif originarjament destinat, ghal bejgh ukoll minnu, ma giex b'daqshekk li ghamel uzu divers. It-tibdil jidher li kien zvilupp naturali ghall-iskop tal-immodernizzar tal-fond uxejn izjed. Mill-bqija l-uzu jidher li baqa' dak kostanti u cjoe ghal tiswijiet u bejgh. Kien ikundifferenti l-kaz kieku, kif manifest minn xi sentenzi, t-tibdil kien wiehed radikali. Ad exemplum,minn furnished flat sar ufficcju.

Ghalkemm tezisti differenza bejn hanut u showroom, "b'daqshekk ma jfisserx ukoll u necessarjament li mhux qieghed isir aktar negozju mill-fond. Showroom li tintuza biex turi l-prodott tal-bejjiegh fi triq ewlenija b'taghrif esplicitu fejn ix-xerrej prospettivghandu jirrikorri . . tinkwadra ruhha f'attivita` kummercjali".

Il-ligi li saret u qeghda fis-sehh biex taghti certa garanzija ta' sigurta` tal-kiri, ma tistghax tigi nterpretata b'mod li tipprovdi pretesti anke minn cirkostanzi zghar u innokwi ghas-sid biex il-kerrej jigi zgumbrat.

L-inazzjoni da parte tas-sid ghal tul ta' zmien, bil-konsapevolezza tat-tibdil li kien sar fl-uzu tal-fond tikkostitwixxi akkweixxenza jew ghall-anqas tolleranza.

Ghal dak li jirrigwarda tibdilstrutturali, huma permessi certi kambjamenti anke minghajr il-kunsens tas-sid purke jkunu parzjaliu mhux ta' importanza kbira, ma jbiddlux id-destinazzjoni tal-fond, ma jippregudikawx id-drittijiettas-sid u meta l-alterazzjonijiet ikunu necessarji jew utli ghad-dgawdija tal-post u jista' l-fond jigi ripristinat kif kien qabel meta tispicca l-lokazzjoni.