11/01/1950

CIVIL COURT, FIRST HALL

CAMILLERI ALBERT V.

RICHARD RIZZO BAMBER NE. vs GIUSEPPINA RIZZO NE. ET.

N/A

-

N/A

AKKWIST TA' IMMOBILI FL-INTERESS TA' HADDIEHOR - ART. 1277, 1959 (2) U 1965 TAL-KODICI CIVILI - BEJGH - MANDAT

L-akkwist ta' immobili fl-interess ta' hadd iehor jiswa, avvolja l-ftehim dwar dan l-akkwist isem l-akkwirent u l-persuna l-ohra ma jkunx sar bil-miktub. Ghax bejn dawk it-tnejn min-nies ma kienx hemm rapport guridiku ta' bejgh jew ta' promessa ta' bejgh, imma rapport ta' mandat sabiex il-mandatorju jakkwista l-immobili ghall-mandant; u l-mandat jista' jinghata mhux biss bil-miktub, imma anki bil-fomm, u anki tacitament. Il-formalitajiet li l-ligi tordna tassativament ghall-validita' tax-xirita' immobili ma ghandhomx jigu konfuzi mal-ftehim u r-rapporti li ikunu jezistu bejn mandatarju u mandant; b'mod li, filwaqt li t-trasferiment ta' immobili, jew il-promessa ta' trasferiment ta' immobili, ghandhom jirrizultaw bil-miktub, taht piena ta' nullita', il-prova ta' l-inkariku tal-mandant lill-mandatarju biex dan jakkwistalu l-immobili tista' ssir mhux bil-miktub biss, imma permezz ta' kull prova ohra permessa mill-ligi. L-effett ta' dak il-ftehim fir-rapporti bejn il-mandanti u l-mandatarju huwa dak li jirrendi lill-mandanti proprjetarju "ex tune" ta' l-immobili li jkun xtara fl-interess tieghu l-mandatarju. Ghalhekk il-mandanti ghandu azzjoni diretta kontra l-mandatarju, jew kontra s-successuri tieghu, biex jigi lilu trasferit dak l-immobili; u sakemm l-immobili jkun ghadu fil-pussess ta' dawn l-ahhar imsemmija, u ma tkunx gie trasferit lil terza persuna, ma jistghux dawn l-ahhar insemmija jirrifjutawlu dak it-trasferiment, billi jippretendu li minflok ghal dak it-trasferiment huma kellhom jigu azzjonati mill-mandanti ghad-danni u nteressi.